LLLAAAAATTTTTTTUUUUURRRRR

Þetta verður tuðfærsla...

ATH: Hérna er myndaútgáfan af þessari færslu að ósk Bigga leslata :)

Fjandinn hafi það .. þar fór heil helgi í vaskinn! Gerði ekki neitt, sat samtals í 15 tíma fyrir framan opnar bækur að reyna að læra eitthvað en nei, NEI ekkert.. gerði ekkert. Letinn strikes again... djöfull og ég sem á að skila verkefni í næstu viku og byrja að vinna í projectinu fyrir machine learning og þarf að lesa næstum heila bók fyrir þriðjudaginn!! Andskotinn..

Stóð mig meira að segja að því að eyða tveim tímum í dag að kynna mér hvernig ég geti skrifað USB driver í MacOS X fyrir vefmyndavélina sem ég keypti í janúar, þar sem að Creative asnarnir skrifa bara drivera fyrir windows (kannski ekki skrýtið.. ca. 95% allra viðskiptavina þeirra nota win, borgar sig ekki að eyða tíma í nokkra einstaklinga.. helvítis corporate bastards!). Sem betur fer þá er eitthvað um open-source verkefni á sourceforge sem hafa verið að tækla þetta bæði fyrir Mac og Linux þannig að ef maður getur portað eitthvað af þessum helvítis C kóða sem þeir skrifa í linux (afturhaldsseggir) yfir í C++ þá á þetta nú ágætis séns á að virka sæmilega. Sjáið þið bara.. ég er strax farinn að tala um eitthvað annað 7 sekúndna athygli .. jafnvel minna.. hvað er málið?

En annars stefni ég að að þetta verði mórallinn núna eftir að ég keypti mér þennan Mac, skrifaða bara sjálfur! (enda er engum treystandi til að gera neitt nema með hangandi hendi lengur) Virðist vera eitthvað lítið til að almennilegum plug-og-play stuðningi í OS X fyrir dót sem apple framleiðir ekki sjálft.. :s en gaman að því vegna þess að ég komst að því í gær að ég hef búið í of-verndaðri plastkúlu undanfarin ár notandi Windows... Afhverju útskrifaðist ég með BS í tölvunarfræði og kunni varla að handfjatla unix skel, sat sveittur í gær í stresskasti við að ssh'a mig inn á skólaserverinn og afrita nokkrar skrár í gegnum scp og allt bara af því að þetta var í gegnum terminal. Er að hugsa um að skila diplómanu.. og biðja um að sitja aftur í stýrikerfiskúrsinum.

Jæja, best að hætta þessari vitleysu, koma sér einu sinni í bælið fyrir klukkan 3. Djöfull fer maður alltaf seint að sofa hérna.. alnetið maður.. það er nútíma tímahylki... maður fer á það og vaknar svo skyndilega 15 klukkutímum seinna, kolringlaður og veit ekki neitt...

Edit: Hef ákveðið að hætta þessu AI rugli og fara bara í MacGuyver háskólann og læra að smíða kjarnorkusprengju úr eyrnatappa og pakkatómatsósum. Þeir sem kusu mig síðast í skotboltaliðið í frímó í fellaskóla geta bara farið að passa sig.. hananú!

Edit2: Helvítis blogger týna bara færslunum mínum eins og ekkert sé sjálfsagðara.. eins og ég sagði.. engum treystandi lengur... *fussa í fyrirlitningu*