Almáttugur...

Eftirfarandi frétt birtist í Fréttablaðinu í dag:

Samræmdum prófum hætt

Alþingi Björgvin G. Sigurðsson, þingmaður Samfylkingarinnar, vill leggja niður samræmd lokapróf í grunnskólum og hefur lagt fram frumvarp þess efnis.

Alþingi Björgvin G. Sigurðsson, þingmaður Samfylkingarinnar, vill leggja niður samræmd lokapróf í grunnskólum og hefur lagt fram frumvarp þess efnis.

Björgvin segir prófin úrelt og valda meira tjóni en gera gagn. "Þau valda gífurlegri miðstýringu þar sem allt miðast við fáar bóklegar greinar en þau mæla ekki það sem verðmætast er eins og til dæmis færni í mannlegum samskiptum. Að auki búa þau til tapara þar sem allir eiga að koma út sem sigurvegarar," segir Björgvin og telur betri leiðir til til að mæla árangur skólabarna.- bþs/fréttablaðið

Þessi Björgvin blessaður hefði nú eitthvað til málanna að leggja ef hann væri ekki soddan grasasni eins og þessi frétt ber með sér. "Að auki búa þau til tapara þar sem allir eiga að koma út sem sigurvegarar". Það er ekki nóg að skerða eigi menntun ungafólksins okkar bæði á sviði raunvísinda og okkar ástkæra móðurmáli, heldur á núna að gera grunnmenntun barnanna að bölvaðri feel-goody unglingavinnu!

Höfum minni áhyggjur af því að öllum líði eins og sérstökum "sigurvegara" snjókornum sem finnst lífið og þjóðlífið eigi að snúast utan um rassgatið á þeim. Höfum frekar meiri áhyggjur af því að fólkið í landinu fái mannsæmandi grunndvallar kennslu og öðlist sómasamlega undirstöðu kunnáttu í þeirri þekkingu sem mannkynið hefur viðað að sér undanfarin ár þúsund og gerir okkur kleift að lifa eins og við lifum í dag!

Að láta svona út úr sér... sveimérþá!

Ekki misskilja mig þó, ég er fylgjandi því að fyrirkomulaginu á þessum svokölluðu "samræmduprófum" sé breytt og fært í betra horf. Ég er sammála því að ofur-áhersla sé lögð á (sem hreinlega jaðrar við bölvað snobb) ákveðin bókleg fög en lítil sem engin áhersla sé lögð á verknám í gunnskólum og mennastofnunum landsins.

Hinsvegar má ALDREI, ALDREI, ALDREI gleyma því að til þess að geta tekið þátt í nútíma þjóðfélagi og vera samkeppnishæfur á vinnumarkaðinum þá verður að tryggja að allir hafi sama grundvallarskilninginn á hinum "hefðbundnu" bóklegu fögum (s.s. stærðfræði, eðlisfræði, efnafræði, líffræði, íslensku, ensku, dönsku/þýsku/frönsku, osfrv..)! Sama hvar styrkleikar hvers og eins liggja.

Epískt lélegur...

Hihi

Indland.. mögnuð umferðarmenning

How I Learned to Stop Worrying and Love the STL

#include 

std::string s = "abc"

do
{
   v.push_back( s )
}
while( next_permutation(s.begin(), s.end()) );

Smíðar allar samsetningar á röðun 'a','b' og 'c' og vistar þær í v.

Bjútíið í þessu er að til þess að geta gert þetta með custom hluti þá þarf einungis að implementa less-than operatorinn.

struct Box
{
public:
   int number;
   bool operator < (const Box& b)
   {
      return number < b.number;
   }

};

typedef std::vector Boxes;

Boxes b;
b.push_back( Box(1) );
b.push_back( Box(2) );
b.push_back( Box(3) );

std::vector perms;

do
{
   perms.push_back( b )
}
while( next_permutation(b.begin(), b.end()) );

Sweeeet :D

pappír != paper != papier != papel

Magnað í hvernig vandamálum maður lendir með makka. Til að mynda er prentun ógurlegt mál á tímum.

Ég komst að mjög einkennilegum hlut í síðustu viku þegar ég varð loksins pirraður á því að makkinn minn reyndi alltaf að prenta út allt í US-Letter stærð, þó svo að blaðsíðurnar og prentarinn væri stilltur á A4 stærð.

Eftir mikla leit og hártog þá komst ég loksins að því að, eins einkennilegt og það er, þá ákváðu Apple menn að pappírsstærðir skyldu verða ákvarðaðar af því tungumáli sem er virkt á viðkomandi vél. Furðuleg ákvörðun það...

Allavegana hérna eru nokkrar leiðir til að stilla sjálfgefna pappírsstærð í OS X, sjálfur er ég með öll þessi atriði sett hjá mér:

1. Opna "Print & Fax" í system preferences og velja 'A4' sem default paper size in page setup.
   
   
2. Opna "International" í system preferences og bæta við "British English" inn í listann í flipanum "Language". Gæta þess að hafa það líka efst í listanum, þ.e.a.s. most prefered. Verður að endurræsa til að breytingarnar taki gildi.
   
   
3. Það eru tilbúnar global prentaraskipanir í localization skjölunum undir /System/Library/Frameworks/ApplicationServices.framework/
   Versions/A/Frameworks/PrintCore.framework/Versions/A/Resources/
   
   Það gæti verið nauðsynlegt ef skref 1 virkar ekki að breyta skránni "English.lproj/Localizable.strings" sem staðsett er á þessum stað. Í henni eru default skipanir fyrir prentara. Þarf einungis að breyta: DefaultPaperSize stillingunni í "DefaultPaperSize" = "iso-a4"; (Gætið þess að English.lproj er ef þú ert með stillta English í language, en_GB.lproj ef þú ert með British English o.s.frv.)
   
   
4. Ekki eru allir prentarar sem nota þessa default skrá sem lýst er að ofan. Sumir prentarar, eins og t.a.m. Epson eru með sín eigin uppsetningarskjöl. Til að breyta þeim þá þarf að opna möppuna /Library/Printers/EPSON/ finna svo plugin-ið fyrir viðkomandi prentara tegund þar undir. Hægri smella á það og velja "Show package contents". Opna svo /Contents/Resources/English.lproj/Localizable.strings skránna sem staðsett er inn í plugin-inu og breyta líkt og að ofan: "DefaultPaperSize" = "iso-a4";
   

Ég framkvæmdi þessi skref hérna að ofan sjálfur og þau virkuðu mjög vel á vélinni minni. Mæli með því að eftir að einhver eða öll þessi skref hafa verið framkvæmd þá að endurræsa vélina til að tryggja að uppfærðar upplýsingar séu í notkunn í öllum forritum.

Vonandi hjálpar þetta einhverjum af ykkur hinum makka notendum sem notið ekki íslensku útgáfuna af OS X.

Gott grill marr!

Eldsnögg leið til að kjósa uppáhalds Magnann sinn

Þeim sem langar til að raða inn sem flestum atkvæðum fyrir hann Magna okkar í Rockstar hafa mögulega áhuga á þessari einföldu flýtileið við kosninguna:

1. Eftir að litli kosningaglugginn birtist þegar smellt hefur verið á myndina af Magna á kosningasíðunni (sjá mynd 1), þá hefst ballið. Lykilatriðið hér er að þú þarft ekki að loka þessum glugga aftur á meðan á kosningunni stendur.

2. Sláið inn staðfestingarkóðann sem beðið er um (allt í hástöfum). ÁÐUR en þið smellið á continue hnappinn, veljiði þá textann sem þið voruð að slá inn (með því að tvísmella á hann með músinni eða á þann hátt sem ykkur finnst þægilegt). Eftir að textinn hefur verið valinn (líkt og á mynd 1), styðjið á flýtilyklana fyrir "Copy" (á windows heldur maður inni 'ctrl' takkanum og styður á 'c').


Mynd 1: Staðfestinartexti hefur verið valin.

3. Nú er hægt að styðja á 'Continue' hnappinn (eða ýta á 'Return' hnappinn á lyklaborðinu, merktur með græna hringnum á Mynd 3). Þegar það er gert þá birtist staðfestingarsíðan um að atkvæðið hafi verið móttekið (sjá Mynd 2). EKKI LOKA GLUGGANUM ÞEGAR SÚ SÍÐA BIRTIST!


Mynd 2: Atkvæðið hefur verið móttekið.

4. Nú skaltu styðja á 'Backspace' takkann á lyklaborðinu (merktur með rauða hringnum á Mynd 3, einnig þekktur sem stroka-út-takkinn). Þessi takki er flýtileið og virkar líkt og 'Back' í vafranum.


Mynd 3: Takkinn merktur með rauðu = Til að fara til baka eftir að atkvæði hefur verið greitt, Grænu = Til að greiða atkvæði eftir að kóði hefur verið sleginn inn.

5. Nú ætti að birtast aftur staðfestingakóðamyndin. Nú er einfaldlega hægt að styðja á líma flýtileiðina ('Ctrl' og 'v'), við það límist inn staðfestingakóðinn sem þið slóguð inn síðast. Nú er hægt strax aftur að styðja á 'Continue' hnappinn (eða 'Return' takkann) til að senda inn nýtt atkvæði!

Voila!
Gera þetta mörgum sinnum í röð og þá fær Magni helling af atkvæðum, vinnur keppnina og fær 1.5 milljón frá SPRON! Húrra fyrir pylsugerðarmanninum!!!

Efni síðustu mánuði

Jæja.. ekki mikið að gerast á þessari síðu :)

Highlights síðustu mánuðina:

• Útskrifaðist með M.Sc. gráðuna loksins.
  
• Fór á gervigreindarráðstefnu í Boston (AAAI'06) í júlí og kynnti þar rannsóknarvinnu mína og Yngva. Fyrsta skipti sem ég kem til USA, Boston er mögnuð borg :)
  
• Labbaði laugaveginn í sumar ásamt góðu fólki (fimm stjörnur) fengum frábært veður og ótrúlegt útsýni.
  
• Var boðin áframhaldandi rannsóknarstaða við Háskólann næsta árið. Staða sem ég ákvað að taka.
  
• Hef verið að brölta við að koma mér fyrir í nýju rannsóknarsetri háskólans í gamla Moggahúsinu í Kringlunni.
  
• ... og svo að sjálfsögðu, grill, bjór, wow, og önnur slík skemmtilegheit :)
  

Og núna... uppfæra þetta vesældarblogg þannig að hægt sé að nota þetta eitthvað :D

Læknar vita ekki rassgat

Ég hef sjaldan á ævinni verið jafn sleginn og reiður eins og núna fyrir 15 mínútum síðan þegar ég fór á læknavaktina í smáranum. Þvílík og eins þjónusta!

Ekki nóg með það að afgreiðslu-"daman" var með eindæmum dónaleg. Hún hefur sennilega annað hvort verið hnefaleikakeppandi á sínum yngri orðum því hún slefaði svoleiðis út úr sér orðunum eins og hún væri með áfasta tannvörn. En hiklaust hefur hún verið í handbolta því ekki kunni hún að rétta nokkurn skapaðan hlut, fleygði í mig kreditkortinu og svo kvittununni á eftir. Aldrei hef ég þolað fólk sem í stað þess að rétta manni hlutina þegar maður réttir á móti þeim hendina, finnur sig knúið til að fleygja öllu fyrir framan mann. Ég ætti kannski að vera feginn að hún fleygði þessu ekki bara á gólfið!

Og svo var það "læknirinn", meira skrípið. Ekki nóg með að hann starði á mig eins og naut á nývirki um leið og ég gekk inn til hans heldur var ég varla búinn að ljúka því að segja honum afhverju ég væri kominn þarna fyrr en hann fórnaði höndum og sagðist ekkert geta gert, ég yrði að fara til annars læknis.

ANNARS LÆKNIS! Hverskonar eiginlega hálfvita skapur er í gangi þarna í læknadeildinni í háskólanum? Hvað eru menn að mennta sig í öll þessi ár? Aldrei vitað annað eins að sitja fyrir framan mann sem er íklæddur krumpaðasta leðurlíkisvesti hérna megin alpafjallanna, mann sem kynnir sig sem læknamenntaðan, og hann gerir einhverjar máttlausustu tilraunir til sjúkdómsgreiningar og ó-ar svo upp við sig að hann geti ekkert gert og að það verið að leita annars læknis.

ÉG: "Hvers lags lækni á ég þá að finna?"
LEÐURLÍKIÐ: (voða hissa) "Nú háls/nef og eyrnalækni að sjálfsögðu!"
*ÞÖGN*

ÉG: "Og hvar er slíka lækna að finna? Á ég að leita uppi einhvern sérstakan?" (orðinn full pirraður)
LEÐURLÍKIÐ: "Hva, Glæsibæ. Þeir ERU þar!" (er sannfærður um að ég sé andlega þroskaheftur frekar en eitthvað annað, allir vita þetta!)
ÉG: "Já-há! það er ekkert annað... og hvað segi ég þeim lækni?"
LEÐURLÍKIÐ: "Hann rannsakar þig bara, Gísli er fínn, hittu hann!"
*Enn lengri þögn*

ÉG: "ÞÚ getur semsagt ekkert gert fyrir mig? Eða sagt mér hvað mögulega gæti verið að mér?"
LEÐURLÍKIÐ: "Nei, þú verður bara að fara eitthvað annað!"
Þá þakkaði ég bara pent fyrir mig, krumpaði saman 1.750 kr. reikninginn sem mér var afhentur og kom mér út.


Ég hafði lítið álit á læknum og lækna-"vísindum" fyrir en núna er ég sannfærður um að þetta "kukl" sem þessir læknar stunda er frekar byggt á einskærri tölfræðilegri heppni frekar en nokkurri þekkingu né vísindalegum grunni. Keyra bara á líkurnar, gefa bara öllum einhverjar pillur og hina "líklegustu" sjúkdómsgreiningu og bara sjá til hvort að þetta hreinlega reddist bara.

Kjaftæði!

Lame lame lame

Ég er með glataða heimasíðu.. orðinn þreyttur á henni.. er að uppfæra.. !

Hver nennir að skrifa á lame-síðu..

Opin fyrirspurn til Háskólans í Reykjavík

Sæl öll,

Mig langar að gera vinsamlega opna fyrirspurn varðandi stefnu Háskólans í Reykjavík varðandi uppljóstrun persónuupplýsinga um útskriftarnemendur sína?

Ástæðan er sú að síðan ég útskrifaðist frá skólanum þann 10. júní síðastliðinn þá hefur mér borist fjöldinn allur af auglýsingapósti frá bönkum, lífeyrissjóðum og lánafyrirtækjum ýmisskonar. Í öllum þessum pósti er nýútskrifuðum háskólanemum óskað til hamingju með "áfangann" og bent á ýmisskonar "fríðindi" og þjónustu sem þeim stendur til boða hjá viðkomandi fyrirtæki.

Ef slík er raunin að skólinn gefi fúslega upp persónuupplýsingar útskriftarnema til hvers sem þess óskar, þá langar mig með þessu bréfi að gera vinsamlega athugasemd við þá stefnu. Þó svo að auglýsingaherferðarpóstur sem þessi angri ekki alla, þá angrar mig mikið sú óforskammalega ágengni þeirra þjónustufyrirtækja sem senda slíkan póst.

Á sama hátt og skólinn býður nemendum sínum að firra sig ágangi tölvupóstssendinga innan skólans (með tilkomu afskráningar valmöguleika á innranetinu), þá finnst mér rétt að sú skráning sé einnig virt þegar kemur að uppljóstrun persónuupplýsinga nemenda til þriðja aðila. Sér í lagi þegar umbeðnar upplýsingar eru einungis ætlaðar til sendinga á auglýsingaáróðri í bréfpósti inn á heimili nemendanna.


Með kveðju
Sverrir Sigmundarson
Nýútskrifaður meistaranemi í tölvunarfræði

Ég, ásamt 2064 öðrum, myndi helst vilja...

decide what the hell I would like to do
with the rest of my life
[link]



Fyndin síða: http://www.43things.com/

Dagskrargerðarpakk

Er að horfa á þáttinn "Taka tvö" á RÚV. Úff hvað Ásgrímur Sverrisson kvikmyndagerðarmaður er upptekinn af að sýna öllum hvað hann er sniðugur og veit mikið. Hann hefur nánast ekki tíma til að taka viðtalið við manninn sem hann er með í heimsókn hjá sér.

Aldrei hef ég skilið þessa óstjórnandi þörf dagskrárgerðarfólks að klippa í sífellu af viðmælendum sýnum eða myndefni yfir á smettið á sjálfu sér! Hvaða máli skiptir að sjá heimskulegar andlitsgrettur fréttafólks, smeðjuleg bros eða tilgerðarlega takta? Það hreinlega lekur af sumum áhugaleysið á viðmælendum sínum.

Alveg eins og ég myndi ekki kaupa Harrý Potter til að lesa rausið í J.K. Rowling eða vera hress með að þurfa að þola regluleg innskot frá henni hvernig hún væri greidd eða sæti í skrifborðsstólum sínum einmitt þessa stundina. FUCK nei! Ég vill Harrý, galdra og dreka... ég vill söguna!

Svo ætti að banna fólki í sjónvarpinu að halda á pennum! Það er ekki eins og þið þurfið að skrifa eitthvað!! Að halda á penna er ávísun á að þú notir hann til að pota og benda ókurtleysislega á gestinn eða hreinlega missa sig í að lesa textann á pennanum þegar athyglisbresturinn gerir vart við sig (hint, hint Ásgrímur!)

Not all that practical?

This paper is concerned with the problem of constructing a computing routine or "program" for a modern general purpose computer which will enable it to play chess. Although perhaps of no practical importance, the question is of theoretical interest, and it is hoped that a satisfactory solution of this problem will act as a wedge in attacking other problems of a similar nature and of greater significance.

-CLAUDE E. SHANNON (In March, 1950)
From his seminal AI paper titled "Programming a Computer for Playing Chess" [read]

My favorite reviewer comment

Your job, as a scientist, is to discover facts and regularities. Let the reader judge what is significant for their application and what is not.

Í dag

Markar daginn er tölvunarfræðin missti einn af sínum merkustu mönnum. Heimurinn í dag hefði aldrei orðið eins og hann er ef Alan Turing hefði ekki markað sín spor. Og að sjálfsögðu eins og öllum brautryðjendum, þá sætti hann ofsóknum og misþyrmingum af hendi samborgara sinna, jafnvel þó svo að hann ásamt öðrum ætti stóran þátt í að bandamenn ynnu seinni heimstyrjöldina.



"We can only see a short distance ahead,
but we can see plenty there that needs to be done."

23. júní 1912 - 7. júní 1954

[link]

The Day of Days...

Vörn kl: 11:00 í stofu 201 í dag Úfff púff... *go team!*

gaman...

Að hjóla í polla er alltaf gaman!



...jafnvel þó þú sért orðinn 28 ára!

...eins og Páll Óskar um árið

Hvernig getur maður annað en elskað þessa manneskju? Silvía Nótt.. þú ert snillingur...:D

Undanúrslitin í Aþenu:

Icelandic fictional character Silvia Night (a.k.a. Silvía Nótt) performs "Congratulations" at the Eurovision Semi-Finals in Greece 2006. As predicted, the audience did not realize this was a joke so Silvia was met with an unprecedented unanimous booing, before and after the performance. Her repeatedly telling the tech crew to "fuck themselves" at rehearsals didn't help either, producing an enormous amount of negative publicity for her in Greece especially. It is being rumoured that the sound crew deliberately misadjusted her mic levels in retaliation for her hurtful comments.


Sigmar snillingur með smá pistil um Silvíu og dvöl hennar í Aþenu, elska hvernig hún lætur ekki tæknimennina vaða yfir sig.. fuck no!


Smá framhald af herbergja brandaranum 5:30 mínútur inn í myndbandið:


Silvía Nótt tekur á ósigrinum af sínum eigin íþróttamannslega tígurleik:


Belgarnir elska Silvíu:


Silvía að gera það gott í Japan... þvílík snilld :D


Silvía er í raun með sjónvarpsþátt í Japan...


Silvía stelur senunni frá Treble (hollenska bandinu)..


Og að sjálfsögðu hið frábærlega "over-the-top" myndband


Eins og ég segi... ekkert annað en hrein silld þessi stelpa.. :D